حصلت «مصر تايمز» على نص أقوال والدة الطفلة ضحية التحرش على يد مدرس رياضيات، حيث كشفت الأم في التحقيقات تفاصيل صادمة حول محاولات المتهم استدراج ابنتها.
أقوال والدة الطفلة ضحية التحرش
وقالت الأم في التحقيقات: “اللي حصل انا ساكنه في كوماند جارينا في مدينه نصر وبنتي بتاخد درس ماث في منزل واحدة صاحبتها من بداية السنة الدراسية وكان المدرس بتاعها اسمه بلال بيحاول يتحرش بيها جسديا عن طريق التلامس وحط ايده علي فخدها و كتفها وهي قالتله انه لو تجاوز حدوده معاها هتبلغني، وكان بيقلب الموضوع بهزار معاها وكان بيتصل بيها دايما بعد مواعيد الدرس وكانت بنتي بتخاف مني ومش بترضي تيجي تقولي لغاية ما خلص الترم و بنتي قالتلي مش عاوزه اخد الدرس معاه”.
وتابعت الأم سرد الكواليس قائلة: “فلما سألتها عن السبب قالتلي انه بتلفظ بألفاظ خارجه وانا مش عاوزه اكمل معاه وبدأ الترم الثاني وانا مرضتش اخليها تاخد معاه درس تاني وبتاريخ ١٦ / ٢ / ٢٠٢٦ كانت بنتي في البيت لوحدها واتصل علي الموبايل بتاعها وكلمها لمده أربعة وعشرين دقيقة وكان محتوي المكالمة بيحاول يقنعها انها تتفرج على أفلام اباحية وبيسهل لها الأمر وبيفهمها ان موضوع العلاقة الجنسية عادي بين البنات والبنات والبنات والأولاد وممكن يحصل من غير زواج”.
وأوضحت الأم كيف تأكدت من الواقعة بقولها: “اليوم اللي بعده عرفت الكلام ده منها وحكتلي المكالمة اللي دارت ما بينهم ولما حاولت اتأكد وخليته تتصل بيه وسجلتله المكالمه وخليتها تبدأ معاه كلام علشان اتأكد ان اللي بتقولهولي مظبوط وبدأت المكالمة وخليت بنتي تقوله انها عندها فضول تعرف اللي كان بيتكلم عنه امبارح فبدأ يكلمه عن المواقع الإباحية وبيمليها اسامي المواقع وبيوصف العلاقة الجنسية بتم ازاي والمكالمة كلها خادشة للحياء وانا مقدمة فلاشة فيها التسجيلات للمكالمة وفيها محادثات بعد ما قفل المكالمة فضل يببعت رسائل محتواها انه عاوز يجيلها البيت”.
