عدلي القيعي: بلاش تهدموا الأهلي.. والصفقات السوبر هتعجبكم

تحدث المهندس عدلي القيعي، في تصريحات تليفزيونية بشأن واقعة مترجم الأهلي الأخيرة، معلقا على الحدث مرضيش يترجم السؤال عشان ميعملش حرج مش اكتر ولا اقل معندوش خبث او اي شئ تاني

وتابع:الهدم سهل اوي لو عايز تهد حمامك هتهدة في يوم وعشان تبنية هتاخد 10 ايام .. اسهل حاجه تقولها امشوا بقا كفاية بقا .. انا مش بدافع انا مش منهم ولكن بختلف علي رد الفعل ده .. ممكن اختلف وتقولي مثلا اه نختلف في شئ ما ولكن متقولش اني منفعش لان فيه ثقه اتبنت في سنين وفي الاخر يقولك انت بطبل .. ياسيدي هو الاهلي مستني حد يهاجمه ؟ ده الاهلي معموله له برامج تهاجمه

وأكمل حديثه:انا مثلا استقلت من النادي علي بلاطه اه ممكن تكون حاجه زعلتني او حاجه تسببت في خروجي ممكن مكونش موافقتش عليها او مش قادر عليها لكن مش علي خلاف مع حد موضحا الناس تقولك كارثه ومش عارف ايه كارثه ايه يا جماعه بس

وأوضح:للاسف الشديد الأهلي مد ايدة لأندية ولما طلب منها لاعيبة رفضوا وبيعلوا .. بلاش تخسروا الأهلي والأيد الي  اتمدت لكم .. وبعون الله هنجيب البدائل وانا واثق في مجلس الإدارة انو هيجيب صفقات تفيد الفريق وتعجب الجمهور