رد مي فاروق على منتقديها بسبب زواجها وعمل حفل زفاف وأولادها كبار في العمر.. هل تتفق مع تصريحها

تعرضت مي فاروق الانتقادات، والهجوم الشرس، من قبل المتابعين لها بعد نشرها صور لحفل زفافها وأولادها معها ولد وبنت، والجميع طالبها بمراعاة مشاعر أبنائها، وشنوا هجوما عليها، وهناك من طالبها بمراعاة السن.

 

رد مي فاروق على المنتقدين

ردت مي فاروق على من انتقدها في حفل زفافها الأخير، وقالت:

 

“قررت اتجوز زي اي انسانة اي المشكلة إنها تتجوز على سنة الله ورسولة قدام الناس كلها اي المشكلة مش عارف.. أنا اتجوزت بس معملتش حاجة يا جماعة وكل الفنانين كانوا مبسوطين والناس كانت فرحانة ليا.. وعمري ما كان عندي أعداء في الحياة الحمد لله وعلاقتي بالناس طيبة”.

 

هجوم على مي فاروق بسبب أولادها

على الرغم من أن الزواج بعد الطلاق أو وفاة الزوج متاح للأم الحاضنة، ولكن هناك من هاجم مي فاروق، ليس من أجل الزواج بمعنى أصح، بل من أجل إقامة حفل زفاف وكأنها لم يسبق لها الزواج قَط، وقالت مي فاروق في تصريحات مع عمرو أديب:

 

” ليه مقولش إني بتجوز قدام الدنيا كلها طول الوقت بعمل حاجتي مظبوطة، قعدت 6 سنين أم مسؤولة عن  ولادي لوحدي كنت عايزة اتبسط وولادي يفرحوا معايا ايه المشكلة إني أعلن، الناس بدأت تحلل نظرة ابني بيا وبنتي لو بنتي مضايقة مكنتش جت، أنا مش بحب حد يعرف حاجة عن حياتي الشخصية”.

وأضافت بشأن أولادها:

 

“ولادي نمرة واحد في حياتي وطول ما هما كانوا عايزين جوازي يبقى لازم أفرحهم، أنا طول ما برضي جوزي وولادي مفيش حاجة خالص”.

رد الفنانين على منتقدي مي فاروق

كان من ضمن الفنانين الذين دافعوا عن مي فاروق هي الفنانة بدرية طلبة والتي كتبت على صفحتها بالفيسبوك:

“هي مي فاروق غلطت في أيه ؟عندها ٤١ سنة وتقولولها احترمي سنك؟ دا فيه بنات في سنها ولسه متجوزوش أصلا_ وبعدين لو علي احترمي سنك يبقي تحترمي انتي سنك يا اللي كتبتي التعليق دا !!.”.

 

“عملت فرح ؟ ماتعمل يمكن مفرحتش قبل كدا وربنا بيعوضها بتستكترو الفرح عليها ليه؟ عيالها كبار؟ كويس يعني فاهمين وواعين وراضيين والا انتو شوفتوهم لابسين مقطع وبيعيطو علي جنب ؟؟ دول كانو فرحانين وبيشاركوها فرحتها والا أنتي ياللي كتبتي التعليق دا الحنية بتخر منك و احن علي العيال من أمهم ؟؟.

 

 

 مش عاجبك أنها لابسه فستان وطرحة؟ ما تلبس اللي نفسها فيه وهي واخداهم من دولاب أمك؟ أتقوا الله في نفسكم لافرح عاتقنا ولا في حزن راحمنا ناس مريضة وفاضية متعرفوش ربنا ياتحسدو وتحقدو ياتطلعو الغل اللي جواكم في التعليقات ربنا ينتقم منكم”.