شوبير يدافع عن بالونة إمام عاشور: “عيب بلاش تفاهة”

دافع أحمد شوبير، لاعب الأهلي السابق والإعلامي الحالي بقناة النادي الرسمية على التصرف الذي قام به إمام عاشور.

واستنكر أحمد شوبير الهجوم الذي وجده بعدما قام لاعب الأهلي الحالي والزمالك السابق بالاحتفال ب “بلونة” بيضاء بعد تسجيله لفريقه أمام سموحة وبعد ذلك قام بدهسها بقدمه.
وقال شوبير في تصريحات تلفزيونية عبر برنامجه “الحارس”: “انا مش فاهم ايه العيب او قلة الادب الي عملها امام عاشور؟ بجد والله، واحد معاه بلونة نفخها وبتتعمل في العالم كله، ما فيه لاعيبة بترقص رقصات غريبة، حد طلع قال ايه الرقصة قليلة الادب دي؟ والي يقولك يا إمام ركز في الملعب”.
وتابع: “يا حبيبي إمام عاشور أفضل لاعب في مصر !! بالأرقام هو الافضل بالرغم انه لسا عنده اكتر، ياريت كل اللاعيبة متركزش في الملعب زي امام عاشور ! فيه قصص وحملة ضده وتهويل”.
وأكمل: “بس بجد والله بأمانة ايه التجاوز او التطاول الي عمله إمام ؟ فيه ناس عاوزة تعمل مداخلة وتحقيق مع بياع البلالين عشان يعرفو اذا كان امام مختارها بيضاء قاصد ولا لا، يا جماعة عيب بلاش تفاهة”.