قال الفنان محمود العسيلي:” بحب أدلع صديقي الشاعر الغنائي أحمد فلبينو وأقوله “ببينو”، وطريقة شغلي معاه مختلفة، بنقعد نفكر سوا هنعمل إيه من البداية، ومعظم الوقت بنطلع أفكار وإحنا قاعدين من غير شغل”.
وأضاف العسيلي ، في تصريحات خاصة لبرنامج من إمبارح للنهارده تقديم همسة إمام على ميجا إف إم: :” بيني وبين فلبينو كيميا كبيرة جدا وثقة، وده بيظهر علينا في شغلنا:”
وتابع :” انا وفلبينو شبه بعض جدا في طريقتنا ومبادئنا ونظرتنا للنجاح في الحياة” ، مضيفاً :” أول مرة اتعرفنا على بعض أنا وفلبينو كان على القهوة، وما كنتش أعرفه في البداية، وكنت فاكره بيكتب شعبي”.
وأوضح الفنان محمود العسيلي ، :” اكتشفت إن فلبينو موهبة كبيرة جدا، ومش سهل تبقى موجودة، لأنه دايما عنده إحساس وأفكار خارج الصندوق” ، متابعاً :” شغلي مع فلبينو عمره مابياخد مننا وقت، على الرغم من إننا بنتناقش كتير فيه، وأخدنا في تلحين أغنية “وأخيرا” ساعتين بس “.
وأكمل :” كلمت فلبينو لما قررت إننا نعمل أغنية “وأخيرا”، وكنت متفاءل جدا بدخولها في رمضان وبنجاحها ط ، قائلا :” بحيي الموزع أسامة الهندي والموزع علي فتح الله على نجاح أغانيهم “أنت حبيبي وابن حبيبي”، وأغنية “وأخيرا”.
وإختتم الفنان محمود العسيلي ، تصريحاتة قائلا :” بنحضر لأغاني حلوة كتير جاية، ولسه مقررتش أنزل السنة دي أغاني سينجل ولا ألبوم، وهعمل دويتوهات.
