نفى السيناريست أيمن بهجت قمر الأنباء المتداولة خلال الفترة الماضية عن زواجه، وذلك بعد وفاة زوجته وأم أولاده.
أيمن بهجت قمر ينفي خبر زواجه
وكتب أيمن بهجت قمر من خلال حسابه الرسمي عبر موقع التواصل الاجتماعي فيسبوك، قال: الفيديو ده لما نزل حصل لي شوية لخبطة وانا وقتها ماعلقتش عليه ومعنديش أي مشكلة معاه بس لقيت ناس كتير بعده بتقول اني متجوز.
أضاف: في حقيقة الامر انا ما اتجوزتش لسه بعد انفصالي عن أم أولادي وفكرة الجواز والاختيار بالنسبه لي مش سهلة اوي كدة لإن الست اللي هتجوزها هي اللي المفروض اكمل معاها اللي باقي من عمري ودي الست اللي هتورثني وتدخل مع ولادي في اعلام الوراثه واللي هيتقال عليها لحد اخر يوم في عمرها حتى لو انا مش موجود انها كانت مرات فلان الفلاني ودي لازم تبقى واحدة انا حاسس فعلا انها الست بتاعتي وابقى شايفها في عيني ست الستات كلهم ودي لحد دلوقتي مش موجوده في حياتي واكيد لما تظهر هقول على طول .. فانا بس حبيت اوضح.
في وقت سابق، علق السيناريست أيمن بهجت قمر على الجدل الذي أُثير خلال الساعات القليلة الماضية بين كبار النجوم بسبب المسلسلات الأعلى مشاهدة في رمضان 2026.
وكتب أيمن بهجت قمر من خلال حسابه الرسمي عبر موقع التواصل الاجتماعي فيسبوك، قال: ماشي يا نجم يا توب التوب يا عم الكل يا ألفه
انت وبس وبعد ماجيت الدنيا منعوا الخِلفه.
أضاف: انت الأعلى وانت الأغنى، انت بتاعنا وخُرم دماغنا، إهبط إهدى، أعلى مشاهده، جماهيرك في الهند اهي شاهده، واللي يقول غير كده هنزفه أو أقولك نديله مُخالفه.
تابع: ماشي يا نجم يا توب التوب يا عم الكل يا ألفه.
