انتهاء خلاف رامي صبري مع ويجز | اعرف القصة

الخميس 28 نوفمبر 2024 | 02:08 مساءً

رامي صبري - ويجز

انتهى الخلاف بين النجمين رامي صبري وويجز حيث رد الفنان رامي صبري علي على منشور الشاعر تامر حسين  حسب ما اطلعت "بلدنا اليوم" الذي قام بنشره عبر صفحته الرسمية علي الفيسبوك مشيداً بموهبه رامي صبري ومكانته وسط نجوم الغناء ليؤكد برده علي انهاء الخلاف مع مغني الراب ويجز 

رد رامي صبري علي الشاعر تامر حسين

خلاف الفنان رامي صبري مع ويجز 

بدات قصه خلاف رامي صبري مع ويجز عندما احد المذيعات في واحد من اللقاءات التلفيزيونية للفنان رامي صبري عن رايه في  فى أغانى المهرجانات والراب، ليرد المطرب بشكل ساخر على أغاني المهرجانات ويصف أغاني الراب وبالتحديد أغاني "ويجز" بأنه مش بيفهم كلماتها، قائلاً "أنا مش بفهم كلامه ولحد دلوقتي مش بفهم، والشباب دي ناجحة من أول ما نزلوا، ولازم الناس تسمع أجيال تانية من الموسيقى" 

ليرد ويجز من خلال خاصية القصص القصيره "الاستوري" علي الانستجرام وقال: "هتكلم عن فنان فاكر إن عنده صلاحية يتكلم على أي حد والناس تسمع وتسكت، الفنان دا اسمه رامي، رامي كل ما يقعد 4 أو 5 شهور يزهق يطلع يتكلم على بتوع الراب والهيب هوب، هتتكلم امتي على فنك ومجالك وبتوع البوب اللى أنت منهم؟

ويجز

وأضاف ويجز في الفيديو: "أنت ما تفهمش في الراب حاجة زي ما قولت قبل كدا، فمش هتعرف تعمله، لو لقيت واحد بيعرف يسوق عجلة وأنا مش بعرف فهحترمه، لو حد بيعمل حاجة وأنا مش بعرف أعملها هحترمه، انت مش بتقدر الفنانين دول، انت شايفهم انهم عاوزين يوصلوا في ليفل أنت فيه، في حين أنهم معدينك، انت مش رقم 2 يا رامي، أنت رقم 19، بعيد أوي بجد".

لياتي بعدها الرد من زوجه رامي صبري وهي تهاجم ويجز 

حيث نشرت بوست علي صفحتها الرسمية علي الانستجرام ترد وتهاجم فيه ويجز 

رد زوجة رامي صبري 

جاء رد زوجة رامي صبري  حسب ما اطلعت "بلدنا اليوم " بعد الاستوري التي قام بنشرها ويجز حيث قالت "ده جزء من الحلقة اللى رامى أتكلم فيها عن الراب، ومن هنا ورايح مش هسكت وهرد على أي حد يفكر يتكلم عنه تانى بأى طريقة مش عجبانى، أولاً رامى اتسأل سؤال فى برنامج ورد وعنده كل الصلاحية لأى رد أو إجابة على أي سؤال يعنى مفيش أي مانع يخلى رامى لما يتسئل سؤال ما يجاوبش".

وأضافت: "ثانيا رامى صبرى ده !!!!!!! يا حضرت فنان من أهم الفنانين فى الوطن العربى ومن أهم الأصوات ده لو حضرتك مش معانا فى مجال المزيكا، وبعدين والله يا ريت رامى عنده الوقت بتاع حضرتك الفاضي أوى بتاع 5 شهور فاضي يا ريت كنا نتمنى".

وتابعت زوجة المطرب رامي صبري: "أما بقى موضوع رامى رقم كام ده هو الحقيقة مش شاغل بال رامى أوى بس لو حضرتك شايف إن رامى رقم 19 مع الأسف الشديد لازم أقول لحضرتك تبقى أنت مش موجود على الخريطة من الأساس".

رد زوجة رامي صبري علي ويجز

واختتمت: "أغنية واحدة من رامى صبرى واحدة بس تعمل تاريخ لناس، محتاج تذاكر كويس وتعرف انت بتتكلم عن مين !!!! قبل ما تتكلم لأنك واضح انك عندك شغل تانى غير المزيكا لأنك لو جوا الشغلانة كنت مش هتقول ولا كلمة من الكلام ده علشان الناس متضحكش عليك لأنك اتكلمت عن فنان بجد مش جاى يهزر، وأخيراً لما تحب تعمل دعاية لأغنيتك الجديدة ابعد عن اسم رامى صبرى أنا عارفة إن اسمه ممكن يخلى الأغنية تريند، بس حاول الأغنية بتاعتك الجديدة تعتمد فيها على نفسك".

رد ويجز  بعد تصريح رامي صبري 

وحسب ما اطلعت "بلدنا اليوم " نشر ويجز علي صفحته الرسمية علي الانستجرام من خلال خاصية القصص القصير "الاستوري " منشور الفنان رامي صبري معلقا " سامحتني قبل ما اعتذر اخلاق ملاك بجد احرجتني بأدبك حصل خير يا رامي وبعدين اخوك الصغير انت عجزت ؟ انت لسه صغير اوي بالتوفيق يا مجتهد يا شاطر"

ويجز عبر الانستجرام