تحدث شريف حازم، لاعب الأهلي السابق خلال ظهوره ببرنامج “اللعيب” على قناة إم بي سي مصر، عن آخر تطورات ملفي نجمي الأهلي حسين الشحات وإمام عاشور، مؤكدًا على أهمية التضحية والانتماء للنادي الأهلي فوق أي عروض مالية خارجية، ويستعرض موقع تحيا مصر التفاصيل.
شريف حازم: حسين الشحات يستحق أعلى أجر في الأهلي وإمام عاشور يجب أن يفهم قيمة التضحية
ورداً على سؤال المذيع مهيب عبدالهادي حول عرض تلقاه حسين الشحات بقيمة 125 مليون جنيه، قال شريف حازم: “أنا مش هكلمك بدبلوماسية، هتكلم كمشجع، أنا حسين الشحات شفت منه حاجات أتمنى إنه يكمل في النادي الأهلي، أنا كواحد بشجع الأهلي، أفرح إن حسين ياخد فلوس في الأهلي وأفرح إنه ياخد أعلى أجر في النادي الأهلي ويوصل لكل حاجة”.
وأكد شريف أن حسين ضحى سابقًا خلال فترة لعبه في العين الإماراتي من أجل النادي الأهلي، مشيرًا إلى أن اللاعب أهلاوي حقيقي، لا يلعب من أجل المال فقط، وقال: “في ناس أنا ممكن أروح مكان آخد فلوس كتير قوي فغصبًا عني لازم أكون موجود، لكن حسين يربطه حبه للنادي الأهلي بالموضوع المالي”.
وأضاف شريف حازم أن الفرق بين حسين الشحات وإمام عاشور يكمن في درجة التضحية والانتماء للنادي: “إمام أنا من الأول مكنتش مرحب إنه يبقى موجود، وقلت لك ده أكتر من مرة، حسين ضحى كتير، وإمام لازم يفهم أنه لسه محتاج يثبت نفسه”.
وبخصوص مسألة العروض الخارجية لإمام عاشور، قال شريف حازم: “مافيش عرض رسمي جه النادي الأهلي لإمام عاشور، أي حد يقول إن إمام جاله عرض رسمي يبقى مش صح، حتى آدم وطني، وكيل اللاعب، اللي بيحاول يعمل حاجات دلوقتي، مش فارق له النادي الأهلي لأنه مش هيدخل النادي الأهلي تاني”.
وعن رقم الترضية المتوقع لإمام عاشور لمواصلة مسيرته في الأهلي، أشار شريف حازم إلى أن الإدارة تحاول مراعاة التضحية والانتماء للاعبين: “لو جاله عرض حسين اتنين ونص مليون دولار، أنا كراجل في الإدارة لما أجي أرضي حسين طبيعي هديله مثلاً مليون دولار يعني حوالي 50 مليون جنيه، ده الرقم اللي يرضيه وهو هيقبله.
أما بالنسبة لإمام برضه لازم نفهم التضحية، إمام قبل ما يجي الأهلي عمره ما لعب دوري أبطال أفريقيا أو كأس عالم للأندية وكان بيشارك في أي مركز يحتاجه المنتخب”.
وشدد شريف حازم على أن الانضباط والالتزام هما مفتاح النجاح في الأهلي: “إمام عاشور لعيب جامد جدًا، لكن لازم يفهم أنه مضيفش حاجة من غير ما ياخد كل حاجة، النادي الأهلي عمره ما نجح أي لاعب مش ملتزم”.
