تعرضت سيدة للسرقة من سائق تطبيق أوبر ، بعد انهاء رحلتها حيث اكتشفت فقدان موبايلها الايفون داخل السيارة.
وقالت السيدة فى استغاثتها بوزارة الداخلية : تعرضت لموقف صعب جدًا مع شركة #أوبر، ومحتاجة حد يرد عليا! يوم (26/4/2026) حوالي الساعة am(10:41)، طلبت رحلة عن طريق أبلكيشن أوبر، والرحلة انتهت بشكل طبيعي جدًا.لكن أول ما نزلت من العربية اكتشفت إني نسيت موبايلي جوه — آيفون 13..حاولت فورًا واتصلت بالموبايل، لكن للأسف اتقفل في نفس اللحظة، وفضلنا نحاول طول اليوم: شوية يفتح وشوية يقفل، ومفيش أي استجابة! الأصعب من كده إني تواصلت مع أوبر من خلال الأبلكيشن وعملت كل خطوات الإبلاغ عن المفقودات، لكن مفيش أي رد أو متابعة لحد دلوقتي!!.
وتابعت: معايا رقم العربية ومعايا شكل السواق إلي مش عاوزة انزل صورة علشان خاطر أهله بس مش معايا رقمه علشان شركة اوبر مش بتبين أرقام السواقين فين خدمة العملاء؟ وفين الأمان اللي المفروض توفره الشركة لعملائها؟!أنا محتاجة رد واضح وسريع من الشركة، لأن ده حقي، ومش طبيعي إن موقف زي ده يعدي من غير أي اهتمام.
وقالت: لو حد مر بتجربة مشابهة أو يعرف يوصلني بحل، يا ريت يساعدني..كمان أكيد حاولت أمشي في الإجراءات الرسمية:اتوجهت لمباحث التليفونات في رمسيس، وقالولي لازم أرجع لقسم الشرطة التابع لمحل سكني في مدينة نصر عشان أعمل بلاغ.رجعت فعلًا لقسم شرطة ثالث مدينة نصر، لكن للأسف قالولي الموظف مشي وتعالي بكره!كل ده وأنا شايلة بيبي رضيع على إيدي، وبلف بين الأماكن دي كلها من غير أي مساعدة!
