تعرض الفنان محمد رمضان خلال الفترة الماضية للعديد من الانتقادات، وذلك بعد ظهوره بملابس تشبه بدلة الرقص في مهرجان كوتشيلا.
محمد رمضان يرد على انتقادات ملابسه في كوتشيلا
وعلق محمد رمضان على هذه الانتقادات، وقال خلال لقائه في برنامج صباح العربية: الناس انتقدوا اللبس بمهرجان كوتشيلا في المنطقة العربية بشكل كبير، أنا كنت شغال لجمهور تاني خالص، أنا عملت مئات الحفلات في الشرق الأوسط وعمر ما حد انتقد لبسي.
وأضاف: أنا درست كوتشيلا، ولقيت إن ده مهرجان قائم على الملابس غير الطبيعية، علشان كده جبت مصممة أزياء مصرية وعملت الإطلالة، ولكن الناس خدته في حته مش كويسة.
تابع: لو رجع بيا الزمن هلبس اللبس ده تاني ولكن هاخد بالي من بعض التفاصيل، أنا قولت عايز البس لبس فرعوني ودرع معمول بالجنيه المصري، هطوله اكتر وهخلي شكله افضل لكن مش هغير الزي خالص.
حملة الهجوم على محمد رمضان
في وقت سابق، رد الفنان محمد رمضان على إطلالته الغير لائقة بأمريكا، حيث ظهر بملابس تشبة بدل الراقصات، ورد محمد رمضان على الإعلام الإسرائيلي الذي قال عنه أنه تجاوز الخطوط الحمراء و سقط في فخ الابتزاز الاستعراضي.
وردًا علي هذا، كتب محمد رمضان منشور من خلال حسابه الرسمي عبر موقع التواصل الاجتماعي فيسبوك، وعلق: “حق الرد على الإذاعة الإسرائيلية .. لبسي في كوتشيلا تصميم (المصرية) (فريدة تيمراز) والصدرية مستوحاه من تماثيل ملوك الفراعنة و صممتها بالعملة المصرية الفضة واضافة عليها كيب اسود فرعوني .. بس السؤال بأمانة يا إسرائيل كان غير موفق و زعلكم هل علم مصر في امريكا فرحكم؟!”
