الخميس 19 ديسمبر 2024 | 03:03 مساءً

عبير أحمد مؤسس ائتلاف أولياء الأمور

أكدت عبير أحمد، مؤسِّس اتحاد أمهات مصر للنهوض بالتعليم، في تصريحات صحفية، أن أغلب الأسر المصرية أعلنت حالة الاستعداد القصوى لامتحانات منتصف العام الدراسي.

وذلك بمختلف المراحل التعليمية، والعمل على تهيئة المناخ المناسب داخل المنزل لدعم الأبناء، وكذلك تخصيص مكان مريح لمساعدتهم على التركيز وضمان اجتيازهم الاختبارات بثقة ونجاح.

موعد امتحانات نصف العام 2025

وأشارت عبير أحمد إلى أن الطريقة المثلى للاستعداد لامتحانات نصف العام الدراسي 2025 تعتمد على مستوى استيعاب الطالب. فإذا كان الطالب متمكنًا من الدروس، فإن المراجعة وحل الامتحانات تعد خطوة كافية. أما إذا كانت هناك فجوات دراسية ونقاط ضعف، فمن الأفضل إعادة دراسة الدروس من البداية.

تفاعل عشرات الأمهات من أولياء الأمور للنهوض بالتعليم

وأضافت مؤسِّس اتحاد أمهات مصر للنهوض بالتعليم، عن تفاعل عشرات الأمهات من أولياء الأمور على صفحة اتحاد أمهات مصر للنهوض بالتعليم، وإئتلاف أولياء الأمور على الفيسبوك. وقالت إحدى أولياء الأمور: "طبعًا إحنا لسه مخلصناش المنهج، فالأفضل نراجع القديم كل يوم جزء مع الجديد عشان ما ننساش القديم، وقبل الامتحان بأسبوع نمسك الجدول عكسي، آخر مادة هنختم بها الامتحان، نبدأ بيها من أولها لآخرها يومًا واحدًا لحد ما نوصل للمادة اللي هنبدأ بيها. ورضا على كده."

واستكملت ولي أمر أخرى: "أنا شخصيًا مع بنتي بنذاكر كل يوم الدروس من أولها لحد ما نخلص المنهج، بس أول حاجة بنبدأ بالدروس الأخيرة عشان طبعًا ملحقناش نذاكرها، وبعد كده نبدأ نحل مراجعات وامتحانات، متعودة على كده مع بنتي الكبيرة اللي في الجامعة ودلوقتي مع بنتي الصغيرة أولى إعدادي."

وتابعت ولي أمر أخرى: "بنراجع الدروس من الملخصات اللي مع الكتب الخارجية زي مثلاً المفكرة في كتاب الامتحان، وبعد كده بنبدأ نحل امتحانات، والسؤال اللي منعرفوش نرجع للكتاب نعرف الإجابة ونذاكرها وبعدين نجاوبه." وعلقت ولي أمر أخرى: "نحل امتحانات وأي قصور في أي جزئية أثناء الحل ممكن نراجعها سريعًا ونكمل باقي حل الامتحانات."

وواصلت ولي أمر أخرى: "أكيد لازم تتم المراجعة من الأول وبعدين نحل، عشان دي الطريقة الأفضل في المذاكرة في البداية اللي بتعمل على تسهيل و كمان بتسرع المراجعة وقت الامتحان. هي: إما عن طريق استخدام قلم الهايلايتير لتحديد الأجزاء المهمة واللي فيها المعلومة المطلوبة من الدرس، أو كتابة ملاحظات عن الأجزاء المهمة في حالة الطالب اللي بيفضل المذاكرة بالكتابة. ده هيسرع عملية المراجعة لأن الطالب بالفعل عمل "فلترة" للأجزاء المهمة ومش هيشغل نفسه بالإضافات.

وذكرت أنه بهذه الطريقة سيكون لديه وقت أكثر للحل. كما أن هناك طلابًا يفضلون حل الجزئيات في البداية، وبعدها يحلون الشامل، وهذا أسلوب جيد في الأجزاء التي تحتاج حلًا أكثر من غيرها أو تحتوي على حالات خاصة وتريكات، لأن الامتحان الشامل قد لا يكون كافيًا للتدريب عليها. وبالتوفيق للجميع إن شاء الله. إحنا لسه في ثانوية عامة بس حبيت أشارك تجربتي مع ابني."